अमेरिकी राष्ट्रपतिले कहिले पदभार ग्रहण गर्छन् ?

काठमाडौं । अमेरिकामा मंगलबार भएको राष्ट्रपतीय चुनावमा रिपब्लिकन पार्टीका उम्मेदवार डोनाल्ड ट्रम्प दोस्रो पटक निर्वाचित भएका छन् ।

ट्रम्पले डेमोक्रेटिक पार्टीकी उम्मेदवार उपराष्ट्रपति कमला ह्यारिसलाई पराजित गर्दै अमेरिकाको ४७ औं राष्ट्रपतिमा निर्वाचित भएका हुन् ।

ट्रम्प निर्वाचित भएसँगै उनले कहिले पदभार ग्रहण गर्छन् भन्ने पनि चासोको विषय हो ।

बीबीसीका अनुसार नवनिर्वाचि राष्ट्रपति ट्रम्पले २० जनावरी २०२५मा सोमबारका दिन सपथग्रहण गर्ने छन् ।

संयुक्त राज्य अमेरिकाको संसद् ‘यूएस क्यापिटल’ को परिसरमा आयोजना गरिने विशेष समारोहमा नवनिर्वाचित राष्ट्रपतिले शपथग्रहण गर्ने छन् । यसपालि अमेरिकाको इतिहासमा साठियौँ पटक त्यस्तो समारोह हुने छ।

उक्त समारोहमा नयाँ राष्ट्रपतिले देशको संविधानको रक्षा गर्ने वाचा गरेर राष्ट्रपतिका रूपमा पहिलो भाषण गर्ने छन् ।