काठमाडौं, १२ मंसिर । सामाजिक सञ्जाल फेसबुकमा एक युवाले पेस्तोल देखाउँदै पेस्तोल चाहिए आफूलाई सम्पर्क गर्न भन्दै विज्ञापन गरेका छन् ।
फेसबुकमा पेस्तोलको विज्ञापन गर्ने युवाले आफू डिआइजीको साथी रहेको समेत बताएका छन् ।
सामाजिक सञ्जालमा विजय अर्याल नाम गरेका व्यक्तिले यस्तो लेखेका हुन् ।
हातमा लिँदै गरेको, कम्मरमा भिरेको र आफैलाई कन्चटमा पेस्तोल ताकेको फोटो राखेर उनले यस्तो पेस्तोल चाहिए आफूलाई सम्पर्क गर्न भन्दै मोबाइल नम्बर समेत सार्वजनिक गरेका छन् ।
मोबाइल नम्बर ९८४८५१३८५० नम्बरमा फोन गर्न उनले भनेका छन् । सामाजिक सञ्जालमा उनको यस्तो तस्विर देखेपछि एक व्यक्तिले भोली समस्या पर्ला की भनेर सचेत गराउँदा उनले भनेका छन्,‘प्रहरीका डिआइजी मेरो साथी हो ।’
