डिभोर्सको छ महिनामै जी.पीले गरे विवाह, उषालाई अंश नदिइ उनकै घरमा भित्र्याए दोश्रो श्रीमती !
काठमाडौं । डिभोर्स भएको छ महिनामा नै सञ्चारकर्मी जी.पी तिमिल्सिनाले दोस्रो विवाह गरेका छन् । पुर्वमिस नेपाल उषा खड्कीसँग डिभोर्स भएको छ महिनामा नै जीपीले सविना अधिकारीसँग दोस्रो विवाह गरेका हुन् ।
पूर्व मिस नेपाल खड्गी र जिपीबिच जेठ २६ मा औपचारिक रूपमा सम्बन्ध विच्छेद भएको थियो । सम्बन्ध विच्छेदसँगै अदालतले सम्पत्ति चार भाग र ऋण २ भाग लगाए पनि सम्पत्ति बाँडफाँड नटुङ्गिँदा उषा त्यही घरमा बस्छिदै आएकी थिइन् । जिपीले मङ्सिर १९ गते विवाह गरेका थिए । जिपीले उषाबस्दै आएको घरमा दोस्रो श्रीमती भित्र्याएका छन् । तीन तले घरमा पहिलो तला भाडामा दिइएको छ । दोस्रो तलामा उषा २ सन्तानसहित बस्छन्। तेस्रो तलामा जिपी नयाँ श्रीमतीसहित बस्छन् । पारिवारिक हिंसा भएको भन्दै उषाले सम्बन्ध विच्छेदको प्रक्रिया अगाडि बढाएकी थिइन् ।
मदिरा पिएर कुटपिट गर्ने गरेको भन्दै उनले श्रीमान् श्रीमतीको रूपमा सँगै बस्न नसक्ने भन्दै सम्बन्ध विच्छेदको मुद्दा प्रक्रिया अगाडि बढाए पनि जिपीले आरोप मिथ्या भएको दाबी गरेका थिए । जिल्ला अदालत भक्तपुरले दुबैलाई मेलमिलापको अवसर दिए पनि सम्भव नभएपछि सम्बन्ध विच्छेदको निवेदन स्वीकार गर्दै सम्पत्ति र ऋण दुवै बाँडफाँडको फैसला गरेको थियो । उषाले जिपीले अदालतको फैसला अनुसार सम्पत्ति नदिएको भन्दै सोही घरमा बस्दै आएकी थिइन् ।
