काठमाडौं । बैंकिङ कसुर मुद्दामा फरार रहेका एक प्रतिवादीलाई प्रहरीले पक्राउ गरेको छ । ३६ लाख रुपैयाँ बराबरको बैंकिङ कसुर गरेको अभियोगमा काठमाडौं महानगरपालिका–२१ निवासी ४१ वर्षीय मनोहर लाल श्रेष्ठ पक्राउ परेका हुन् ।
श्रेष्ठलाई काठमाडौं उपत्यका अपराध अनुसन्धान कार्यालयको टोलीले स्वयम्भू क्षेत्रबाट नियन्त्रणमा लिएको हो ।
काठमाडौं जिल्ला अदालतको २०८१ असार २३ गतेको फैसलाअनुसार श्रेष्ठलाई ५ दिन कैद र ३६ लाख रुपैयाँ जरिवानाको सजाय सुनाइएको थियो ।
पक्राउपछि उनलाई काठमाडौं जिल्ला अदालतमा उपस्थित गराई कारागार चलान गरिएको काठमाडौं उपत्यका अपराध अनुसन्धान कार्यालयका एसपी काजिकुमार आचार्यले जानकारी दिए ।
