आइसियुबाट प्रधानमन्त्रीको भिडियो सन्देश, ‘ म उठ्न र बोल्न सक्ने अवस्थामा छु ’

आइसियुबाट प्रधानमन्त्रीको भिडियो सन्देश, ‘ म उठ्न र बोल्न सक्ने अवस्थामा छु ’

काठमाडौँ, मंसि १६ । प्रधानमन्त्री केपी शर्मा ओलीले अस्पतालको आइसियु कक्षबाट भिडियो सन्द्शमार्फत आफ्नो स्वास्थ्य अवस्थाबारे जानकारी गराएका छन् । सोमबार त्रिवि शिक्षण अस्पतालको मनमोहन कार्डियोथेरासिक भास्कुलर तथा ट्रान्सप्लान्ट सेन्टरको आइसियुमा उपचार गराइरहेका प्रधानमन्त्री ओलीले २ मिनेट १३ सेकेण्डको भिडियो सन्देश प्रवाह गरेका हुन् ।

भिडियोमार्फत आफ्नो स्वास्थ्यस्थित सामान्य रहेको समेत बताएका छन् । शल्यक्रियापछि पनि हिँड्न, बोल्न सक्ने अवस्थामा रहेको भन्दै प्रधानमन्त्री ओलीले अबको हप्ता दश दिनमा आफु सामान्य हुने बताए ।

उनले १३ औँ दक्षिण एसियाली खेलकुदको प्रत्यक्ष प्रसारण समेत हेरको जानकारी दिए । उनले राष्ट्रपति विद्यादेवि भण्डारीलाई समेत धन्यवाद दिएका छन् ।

यस्तो छ प्रधानमन्त्रीले सम्वोधन

एपेण्डीसाइटिस भनेको कसैलाई समय र सूचना दिएर आउने रोग होइन । यो अचानक आइलाग्छ । मलाई पनि अप्रत्यासित रुपमा त्यसैगरी आइलाग्यो । त्यसमा इन्फेक्सन भएछ । र, त्यो बाहिर पनि फैलिएछ । त्यसमा मात्रै इन्फेक्सन सिमित भएको भए निकालेर फाल्न सजिलो हुन्थ्यो । बाहिर पनि इन्फेक्सन भएको हुनाले त्यो इन्फेक्सनलाई पनि हटाउनु पर्यो। त्यस कारण उपचारका क्रममा हप्ता दश दिन लाग्ने भयो । तर, मेरो स्वास्थ्य राम्ररी सुधार भइराख्या छ । एउटा मेजर अपरेशनपछि तपाईंहरु देखिरहनु भएको छ– मेजर अपरेशनपछि पनि म उठेर बोल्न सक्ने, साथीहरुसँग कुरा गर्न सक्ने अवस्थामा छु र समाचारहरु हेर्न सक्ने अवस्थामा छु ।

हिजो मैले १३ औं ‘साग’को उद्घाटन समारोह पनि पूरै हेरेँ । हुन सक्छ कि सक्दैन भन्ने द्विविधा समाप्त भएकामा खुसी लाग्या छ । म राष्ट्रपतिज्यूलाई उद्घाटन गरिदिनु भएकोमा, अरु सबैलाई सहभागि हुनु भएकोमा धन्यवाद भन्न चाहन्छु । मैत्रीपूर्ण खेलबाट देशको इज्जत अगाडि बढाउन र क्षेत्रीय मित्रता अगाडि बढाउन म नेपाली खेलाडीहरु र सार्क क्षेत्रका खेलाडीहरु, सबैलाई आग्रह गर्दछु ।’

–केपी शर्मा ओली
प्रधानमन्त्री
(मनमोहन कार्डियोथोरासिक भास्कुलर तथा ट्रान्सप्लान्ट सेन्टरको आईसीयू कक्षबाट)

Trending News