काठमाडौं, ५ पुस । प्रधानमन्त्री केपी शर्मा ओलीले असंवैधानिक रुपमा संसद विघटन गर्ने सिफारिस गरेपछि चौतर्फी आलोचना भइरहेको छ ।
रविन्द्र मिश्र नेतृत्वको विवेकशिल साझा पार्टीले भने सडक आन्दोलनको घोषणा गरेको छ । आज दिउँसो ३ बजे नै बालुवाटारमा प्रधानमन्त्री ओली विरुद्ध सडक आन्दोलनको कार्यक्रम रहेको विवेकशिल साझाले जनाएको छ ।
‘प्रधानमन्त्री केपी ओलीले मन्त्रिपरिषद्को आकस्मिक बैठक डाकेर अनायास संसद विघटनको सिफारिश गर्नु घोर असंवैधानिक, अलोकतान्त्रिक र तानाशाही कदम हो। यो संविधानमाथिको स्पष्ट ‘कू’ हो,’ विज्ञप्तिमा भनिएको छ,‘नेपालको संविधान २०७२ ले प्रधानमन्त्रीलाई संसद विघटनको ‘विशेषाधिकार’ प्रदान गरेको छैन। संसदबाटै वैकल्पिक सरकार निर्माण गर्ने अधिकार संसदलाई छ।’
