नेपाली कांग्रेसको प्रमुख सचेतकमा रमेश लेखक
काठमाडौं । नेपाली कांग्रेसको प्रमुख सचेतकमा रमेश लेखक मनोनीत भएका छन् ।
सभापति तथा संसदीय दलका नेता शेरबहादुर देउवाले मंगलबार सांसद लेखकलाई प्रमुख सचेतकमा मनोनीत गरेका हुन् ।
‘सभापति देउवाले कांग्रेस संसदीय दलको विधान (संशोधन तथा परिमार्जनसहित, २०७४) को धारा १३ को उपधारा १ बमोजिम प्रतिनिधिसभा सदस्य रमेश लेखकलाई प्रतिनिधिसभाको मुख्य सचेतक पदमा मनोनयन गर्नुभएको छ,’ देउवाका निजी सचिव केशवराज जोशीले जारी गरेको विज्ञप्तिमा उल्लेख छ ।
लेखक कञ्चनपुर ३ बाट प्रतिनिधिसभा सदस्यमा निर्वाचित भएका हुन् ।
