काठमाडौँ, माघ ११ । अनसनरत डा. गोविन्द केसीको समर्थनमा नयाँ बानेश्वरमा प्रदर्शन भएको छ । १६ औँ पटक अनसन बसेको डा. केसीको मागलाई सम्वोधन गर्नको लागि दबाव दिँदै विवेकशील नेपाली दल र नेविसंघ सहितका अन्य समर्थकहरुले आन्दोलन गरेका हुन् ।
प्रहरीले डा. केसीको समर्थनमा आन्दोलन गर्ने ३० जनालाई पक्राउ गरेको छ । नेविसंघका केन्द्रिय सदस्य नवराज त्रिपाठी लगायत विवेकशील नेपाली दलका संयोजक उज्वल थापा पनि पक्राउ परेका छन् । त्यसैगरि विवेकशील नेपाली दलकै अन्य सदस्यहरु शशी विक्रम कार्की, अजिता राई,डा दिनेश प्रसाईं, अम्बिका कार्की,सूजन श्रेष्ठ,रामजी पन्त,मिलन पाण्डे,सोनम थीमी, लगायत छन्। उनीहरूलाई हाल नेपाल पुलिस क्लब भृकुटीमण्डपमा राखिएको छ।
