राष्ट्रपति चुनावः प्रभु साहले रामचन्द्र पौडेललाई मत दिने
काठमाडौं । राष्ट्रपतिको निर्वाचनमा प्रतिनिधि सभाका सांसद प्रभु साहले रामचन्द्र पौडेललाई मत दिने भएका छन्। आम जनता पार्टीको तर्फबाट जारी विज्ञप्तिमा पौडेललाई समर्थन गर्ने बताइएको छ। साह सोही पार्टीका अध्यक्ष हुन्। सो पार्टीका प्रचार प्रसार प्रमुख चन्द्रभुषण साहद्वारा जारी विज्ञप्तिमा भनिएको छ।
शनिबार एमाले उपाध्यक्ष सुवास नेम्वाङ र कांग्रेस नेता रामचन्द्र पौडेलले उम्मेदवारी दर्ता गराएका छन्। राष्ट्रपति पदको निर्वाचन भने फागुन २५ मा हुँदैछ।
