काठमाडौं । प्रतिनिधिसभा सदस्य निर्वाचन अन्तर्गत ललितपुर क्षेत्र नम्बर ३ बाट राष्ट्रिय स्वतन्त्र पार्टी (रास्वपा)की उम्मेदवार डा. तोसिमा कार्की निर्वाचित भएकी छन्।
अन्तिम मत परिणाम अनुसार कार्कीले ४३ हजार ९६ मत प्राप्त गर्दै विजय हासिल गरेकी हुन्। उनका निकटतम प्रतिद्वन्द्वी नेपाली कांग्रेसका उम्मेदवार जितेन्द्रकुमार श्रेष्ठले ९ हजार ४५ मत प्राप्त गरेका छन्।
कार्कीले उल्लेखनीय मतान्तरसहित जित हात पार्दै प्रतिनिधिसभामा स्थान सुरक्षित गरेकी हुन्। यो परिणामले ललितपुर-३ मा रास्वपाको प्रभाव बलियो रहेको देखाएको छ।
डा. कार्की पेशाले सर्जन चिकित्सक हुन् । उनी राष्ट्रिय स्वतन्त्र पार्टीबाट राजनीतिमा सक्रिय भएकी थिइन्। उनी यसअघि पनि प्रतिनिधिसभा सदस्यको रूपमा निर्वाचित भइसकेकी नेतृ हुन्।
निर्वाचन परिणाम सार्वजनिक भएपछि कार्कीका समर्थकहरूले खुसीयाली मनाएका छन्। ललितपुर जिल्ला बागमती प्रदेशअन्तर्गत पर्ने क्षेत्र हो र यहाँ प्रतिनिधिसभाका तीन निर्वाचन क्षेत्र रहेका छन्।
