काठमाडौँ,फागुन २६ । इथियोपियाको अदिसअबाबाबाट केन्याको राजधानी नैरोबीका लागि उडेको इथियोपिएन एअरको जहाज दुर्घटना हुँदा जहाजमा रहेका १५७ जनाको मृत्यु भएको छ ।
इथोपियन एअरलाइन्सले जहाजमा रहेका १४९ यात्रु र चालक दलका ८ सदस्यको मृत्यु भएको पुष्टि गरेको छ । जहाज विमानस्थलबाट उडेको ६ मिनेटमा नै दुर्घटना भएको हो ।
इथियोपियाका प्रधानमन्त्री एबि अहमेदले ट्वीटमार्फत दुर्घटनामा मृत्यु हुनेका परिवारप्रति समवेदना प्रकट गरेका छन् ।
