रवीन्द्र मिश्रको पार्टीको नाम परिवर्तन, अव साझा विवेकशील पार्टी हुने

दियो पोस्ट  

काठमाडौं, वैशाख १४ । रवीन्द्र मिश्र नेतृत्वको विवेकशील साझाा पार्टीको नाम परिवर्तन हुने भएको छ अब साझा विवेकशील पार्टी बनाउने निर्णय भएको संयोजक मिश्रले बताए ।


पार्टीबाट भिन्न भएर गएकाहरुले पनि विवेकशील नाम प्रयोग गरिरहेकाले प्राविधिक जटिलताको अन्त्य गर्न नाम परिर्वतन गरिएको संयोजक मिश्रले जानकारी दिए ।


यस्तै पार्टीले भ्रष्टाचार विरुद्ध देशभर अभियान संचालन गर्ने भएको छ । यही बैशाख ११, १२ र १३ गते बसेको पार्टीको केन्द्रीय समितिको बैठकले भ्रष्टाचारमुक्त राज्य निर्माणका लागि सुसंस्कृत राजनीति र समतामुलक सम्मृद्धिप्रति प्रतिवद्ध रहेर देशभर ठुलामाछा समाउ अभियान संचालन गर्ने निर्णय गरेको हो ।


सनिबार बैठकको निर्णय सार्वजनिक गर्दे संयोजक रविन्द्र मिश्रले पार्टीले आउदा दिनमा आफ्ना गतिविधिलाई भ्रष्टाचार विरोधी अभियानमा लगाउने बताए ।


मुलुकमा दुईतिहाईको सरकार बन्दै गर्दा आमजनताले अपेक्षा गरेको सुख सम्मृद्धि र विकासले अपेक्षाकृत फड्को मार्नुको सट्टा सरकार नै विभिन्न विवादास्पत काण्डै काण्डमा मुछिदै गएकोे टिप्पणी उनले गरे ।


सरकारका विभिन्न निकायमा रहेका असक्षम नेतृत्वका कारण मुलुकमा सामाजिक रुपान्तरण र सम्मृद्धिको विषय झन पछि पर्दै गएको उनले टिप्पणी गरे ।

हालै सरकारले गरेको लगानी सम्मेलनमा उद्योग मन्त्रीको प्रस्तुतीबाट नै सक्षम नेतृत्व चयनमा सरकारको असक्षमता प्रष्ट देखिएको उनको तर्क छ ।