पर्सा । पर्सामा अवैध लागूऔषधसहित एक जना पक्राउ परेका छन् । कालिकामाई गाउँपालिका–१ बाट अवैध लागूऔषध चरेश १० किलोग्रामसहित एक जनालाई प्रहरीले पक्राउ गरेको हो । पक्राउ पर्नेमा सोही ठाउँ बस्ने २१ वर्षीय अनिल पासवान रहेका छन् । प्रहरी चौकी आशवारीबाट खटिएको प्रहरीको टोलीले बीआर २२ एटि ८४९८ नम्बरको मोटरसाइकल जाँच गर्ने क्रममा २० वटा प्याकेटमा रहेको उक्त चरेश फेला पारी शुक्रबार बिहान उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
