काठमाडौँ, जेठ १७ । पृथ्वी राजमार्ग अन्तर्गत धादिङको धुनिवेशी नगरपालिका–९ टायलघरमा मोटरसाइकल दुर्घटना भएको छ । काठमाडौँबाट सुर्खेत जाँदै गरेको ना ८ ख २९७ नम्बरको यात्रुवाहक बसले सोही दिशातर्फ जाँदै गरेको बा ७९ प १६७३ नम्बरको पल्सल बाइकलाइ ठक्कर दिँदा दुर्घटना भएको हो ।
दुर्घटनामा परि मोटरसाइकल चालक रामेछाप जिल्ला मन्थली नगरपालिका २ घर भएका २९ बर्षिय राजन दर्लामी मगर गम्भिर घाइते भएका छन् । घाइते मगरलाई उपचारका लागि काठमाडौँस्थित वीर अस्पताल ल्याइएको घटनास्थलबाट कपुर लामिछानेले दियोपोस्टलाई बताएका छन् ।
दुर्घटनामा घाइते भएका राजनको एउटा खुट्टामा गम्भिर चोट लागेको र शरिरका अन्य भागहरबाट समेत रक्तश्राव भइरहेकोले अवस्था गम्भिर रहेको उनकी श्रीमती रिता दर्लामीले दियोपोस्टलाई बताएकी छिन् ।
मोटरसाइकललाई ठक्कर दिने बसको चालक र सहचालकलाई नियन्त्रणमा लिएको प्रहरीले जनाएको छ ।
