काठमाडौं,२० बैशाख । नेपालमा कोरोना महामारी बढेसँगै पत्रकारको पेशागत सुरक्षा जोखिममा परेको छ । नेपाल पत्रकार महासंघका अध्यक्ष विपुल पोख्रेलले कोरोना महामारीका कारण पत्रकारको पेशागत सुरक्षा जोखिममा परेको बाताएका छन् ।
विश्व प्रेश स्वतन्त्रता दिवसको अवसरमा आईतबार शुभकामना सन्देश दिँदै उनले सञ्चार संस्थाहरुलाई कोरोनाको बाहानामा सञ्चारकर्मीहरुलाई निष्कासन नगर्न, सेवा सुविधा कटौती नगर्न र सञ्चारकर्मीको स्वास्थ्यमा विशेष ध्यान दिन महासंघले आग्रह गरेको बताएका छन् ।
महासंघका अनुसार कोरोना महामारीका कारण नेपनलमा ५१७ जना पत्रकार पिडितमा परेका छन् । यो वर्ष ४५ घटना प्रेस स्वतन्त्रता हनन भएका छन् ।
ती मध्य ५ सय ४८ पत्रकार र ३ वटा सञ्चार संस्था पीडित बनेका अध्यक्ष पोख्रेलले बताएका छन् । तीन तहमा बन्दै गरेको प्रेससँग सम्बन्धित कानुका मस्यौदा संविधानको मूल मर्मसँग बाझिएको समेत बताएका छन् ।
