काठमाडौं,२० बैशाख । दोस्रो पटक फैलिएको कोरोना भाईरस ले नयाँ स्वरूपको घातक रुपमा देखापरेको प्रधानमन्त्री केपी शर्मा ओलीले बताएका छन् ।
सोमबार देशवासीको नाममा सम्बोधन गर्दै ओलीले ३० जिल्लामा २०० भन्दा कोरोना संक्रमित रहेको र १५ जिल्लामा ५०० भन्दा बढी कोरोना संक्रमित रहेको बताएका छन् । उनले कोरोनाविरुद्ध लड्नका लागि खोप अभियानलाई प्रभावकारी बनाउन लागिपरेको समेत बताएका छन् ।
नागरिकको जीवन रक्षा सरकारको पहिलो दायित्व भएको र त्यसका लागि सरकारको सबै संयन्त्र परिचालित रहेको ओलीले बताएका छन् ।
निषेधाज्ञा थप कडाइ गर्न लागिएको भन्दै ओली २० गते रातिदेखि आन्तरिक र २३ गतेदेखि बाह्य उडान बन्द गर्ने निर्णय सरकारले गरेको जानकारी दिएका छन् । यस्तै नेपाल भारतबीचको १३ नाका मात्रै सञ्चालन ल्याइएको जानकारी दिएका छन् ।
