काठमाडौं । कृषी तथा पशुपन्छी बीमा तथा लघु बीमाको पहुँच ग्रामीण तथा बीमा सेवाबाट वञ्चित समुदायसम्म पुर्याउने उद्देश्यले सानिमा जिआईसी इन्स्योरेन्स लिमिटेड र वाइज याक सोलुसन्स प्रालिबीच सम्झौता भएको छ।
आज (२०८३ जेठ १७ गते) सम्पन्न सम्झौताअनुसार वाइज याक सोलुसन्सको ‘बीआईआई’ मार्फत सिराहा, सप्तरी, धनुषा र महोत्तरी जिल्लाका बीमाको पहुँच नपुगेका क्षेत्र तथा समुदायमा स्थानीय भाषामा बीमा सचेतना कार्यक्रम सञ्चालन गरिने सानिमा जिआईसी इन्स्योरेन्स लिमिटेडका प्रबन्धक तथा सूचना अधिकारीले भद्र बहादुर विष्टले जानकारी दिए ।
सम्झौतापत्रमा सानिमा जिआईसी इन्स्योरेन्स लिमिटेडका प्रमुख कार्यकारी अधिकृत सुद्युम्न प्रसाद उपाध्याय तथा वाइज याक सोलुसन्स प्रालिका प्रमुख कार्यकारी अधिकृत प्रा.डा.सुरेश मानन्धरले हस्ताक्षर गरेका छन्।
सम्झौतामार्फत कृषी तथा पशुपन्छी बीमा तथा लघु बीमाबारे जनचेतना अभिवृद्धि गर्दै ग्रामीण क्षेत्रका नागरिकलाई बीमा सेवाको दायरामा ल्याउने लक्ष्य राखिएको जनाइएको छ।
बीमा पहुँच न्यून रहेका मधेश प्रदेशका विभिन्न जिल्लामा स्थानीय भाषामार्फत सचेतना कार्यक्रम सञ्चालन गरिने भएकाले यसले बीमाप्रति जनविश्वास बढाउन र जोखिम व्यवस्थापनमा सहयोग पुग्ने अपेक्षा गरिएको छ।
