पत्रकार किशोर नेपाल भन्छन्, ‘धुर्मुस सुन्तलीको काम मनोरञ्जन दिने हो, रंगशाला बनाउने होइन’

पत्रकार किशोर नेपाल भन्छन्, ‘धुर्मुस सुन्तलीको काम मनोरञ्जन दिने हो, रंगशाला बनाउने होइन’

विष्णु विश्वकर्मा

काठमाडौँ, जेठ २९ । वरिष्ठ पत्रकार किशोर नेपालले धुर्मुस सुन्तलीलाई घाँटी हेरेर हाड निल्न सुझाव दिएका छन् । एक यूट्युब च्यानलसंगको कुराकानीमा उनले रंगशाला निर्माण गर्छु भन्दै लागि परेको धुर्मुस सुन्तलीले गर्नै नहुने काम गरेको बताएका छन् ।

चितवनमा रंगशाला बनाउन गएका धुर्मुस सुन्तलीले चितवनकै बासिन्दाहरुलाई धम्काउने र गाली गर्ने शैली नकारात्मक भएको टिप्पणी समेत गरेका छन् । उनले चन्दा उठाएर समाजसेवा पनि गर्न नसकिने बताएका छन् । धुर्मुस सुन्तलीले आफ्नो क्षमताअनुसारको काम गर्नुपर्ने भन्दै नेपालले ३ अर्बको रंगशाला निर्माण कुनै मजाकको विषय नभएको बताएका छन् ।

नेपालका विभिन्न क्षेत्रहरुमा धुर्मुस सुन्तलीले गरेको नमुना बस्ती निर्माणको कामलाई पनि सामान्य रुपमा हेरेको पत्रकार नेपालले बताएका छन् । दुनिया संग चन्दा उठाएर जसले पनि बनाउन सक्ने भन्दै नेपालले यसलाई कुनै ठुलो कामको रुपमा नलिएको बताए ।

नेपालले धुर्मुस सुन्तलीलाई भिखारीको संज्ञा समेत दिएका छन् । ‘भाँडो जोगीले बोकेको जस्तो बोक्ने अनि संसारभरी माग्न जाने भिखारीले जसरी’ उनले भने, ‘मागेर समाजसेवा गरिँदैन ।’ उनले धुर्मुस सुन्तलीले पारदर्शीता समेत नदेखाएको आरोप लगाएका छन् । ‘पारदर्शीता भनेको ऐनामा हेर्नु हो ?’ उनले प्रश्न गरे ।

धुर्मुस सुन्तलीबाट आफुलाई शुरुवात देखि नै विश्वास नभएको समेत बताएका छन् । भुकम्प पिडितका लागि घर बनाउने सम्मको काम सह्रानीय भएको तर रंगशाला निर्माण गर्ने काम निकै हावादारि र महत्वकांक्षायुक्त भएको ख्ुलाएका छन् । ‘गर्नै नसक्ने काम गरेपछि रोएर हिँडनुपरेको बताउँदै उनले धुर्मुस सुन्तलीको काम रंगशाला निर्माण गर्ने नभएर जनतालाई मनोरञ्जन दिने हो । फेरि टेलिभिजनमा फर्किएर जनतालाई हसाउनु ठिक हुन्छ’ उनले भने ।

भरतपुर महानगरपालिकाका मेयर रेणु दाहालले पनि हचुवाका भरमा धुर्मुस सुन्तलीलाई रंगशाला निर्माण गर्न स्वीकृती दिएको बताएका छन् । केपी ओली र प्रचण्डलाई धुर्मुस सुन्तलीले नमस्कार गरेपछि रेणु दाहालले क्षमतालाई नहेरि ठाडै स्वीकृत दिएको आरोप लगाएका छन् । धुर्मुस सुन्तलीलाई सुझाव दिँदै पत्रकार नेपालले भने, ‘ अवदेखि यस्तो वाइयात काम नगर्नुहोला, नहुने र नसक्ने काम नगर्नुहोला

Facebook Comments

Trending News