यो कोपा अमेरिका करियरकै सबैभन्दा खराब कोपा अमेरिका : मेस्सी

दियो पोस्ट  

अर्जेन्टिनाका कप्तान लियोनल मेस्सीले ब्राजिलमा जारी कोपा अमेरिका फुटबल आफ्नो करियरकै सबैभन्दा खराब कोपा अमेरिका भएको बताएका छन् ।

भेनेजुएलालाई पराजित गर्दै कोपा अमेरिकाको सेमिफाइनल पुगेपछि बोल्दै कप्तान मेस्सीले टिम अन्तिम चारमा पुग्नु महत्वपूर्ण रहेको तर जारी कोपा आफ्नो उत्कृष्ट कोपा नरहेको बताए ।

‘सत्य कुरा हो यो मेरो उत्कृष्ट कोप अमेरिका हैन् । मैले एस्तो सोचेको थिएँन,’ मेस्सीले भने, ‘महत्वपूर्ण कुरा यो हो हामीले जित्यौं र यसलाई निरन्तरता दिन्छौं । ’शनिबार बिहान भएको खेलमा भेनेजुएलालाई २–० गोल अन्तरले पराजित गर्दै अर्जेन्टिना सेमिफाइनल पुगेको थियो । अर्जेन्टिनाको जितमा लौटारो मार्टिनेज र जियोवानी लो सेलोले एक एक गोल गरेका थिए । अर्जेन्टिना सेमिफाइनलमा पुगेपनि मेस्सीले गोल गर्न सकिरहेका छैनन् । मेस्सीले चार खेलमा मात्र एक गोल पेनाल्टीबाट गरेका छन् ।

यस्तै कप्तान मेस्सीले प्रतियोगितामा सबै टिम उत्तिकै कठिन रहेको बताए । यस्तै उनले मैदान भने कोपा अमेरिका खेल्न लायक नरहेको बताए । ‘यो कप खेल हो । जुन टिमले जसलाई नि हराउन सक्छ,ु कप्तान मेस्सीले भने, ‘यहाँ खेल्न निकै कठिन छ । मैदान निकै खराब छ । लाजमर्दो कुरा छ कि यहाँका सबै मैदान उस्तै छ ।’ अर्जेन्टिनाले अब फाईनल प्रवेशका लागि आयोजक ब्राजिलसंग प्रतिस्पर्धा गर्नेछ । एजेन्सी