ओलीबाहेका अन्यको फोटो राख्न बन्देज

दियो पोस्ट  

काठमाडौं । नेपाल कम्युनिस्ट पार्टी (एमाले)ले पार्टी अध्यक्ष एवं पूर्वप्रधानमन्त्री केपी शर्मा ओलीलाई देवत्वकरण गर्ने अभियान थालेको छ । पार्टी एवंम जनसंगठनद्धारा आयोजना हुने सार्वजनिक कार्यक्रममा पार्टी अध्यक्षय ओलीको फोटो नै अनिवार्य राख्नुपर्ने निर्णय एमालेले गरेको छ ।

गत सोमबार (२९ साउन)मा बसेको एमाले सचिवालय बैठकले पार्टी एंव जनसंगठनका सार्वजनिका कार्यक्रममा तीन अग्रजका अतिरिक्त पार्टी अध्यक्ष ओलीबाहेक अन्य कोही कसैका पनि फोटो प्रयोग गर्न नपाउने निर्र्णय गरेको हो । एमालेले अध्यक्ष ओलीलाई देवत्वकरण गर्ने किसिमको निर्णय गरेको भन्दै सामाजिक सञ्जालका साथै सोही पार्टीका नेताहरुले समेत आलोचना गरिरहेका छन् । पार्टीका अग्रज नेता पुष्पलाल श्रेष्ठ, मदन झण्डारी, मनमोहन अधिकारीका अतिरिक्त, कार्ल माक्र्स लेलिनका साथै विश्व कम्युनिस्ट आन्दोलनका अन्य नेताहरुको फोटो राख्ने र कार्यक्रम गर्ने प्रचलन थियो ।

एमालेका एक नेताले विगता परम्पराता तोड्दै अध्यक्ष ओलीलाई देवत्वकरण गर्ने अभियानमा केही नेता लागेको दु : खेसो पोखेका छन् । तीन अग्रज नेताहरु बाहेका विश्व कम्युनिस्ट आन्दोलनका अन्य नेताका साथै कार्यक्रमसँग सम्बन्धित अन्य फोटो राखेर कार्यक्रम हुँदै आएको थियो,‘ ती नेताले भने,‘ अब त ओली बाहेक अन्यको फोटो राख्न नपाउने निर्णय गरेर एमालेले अध्यक्षलाई संस्थागत रुपमै देवत्वकरण गर्ने अभियान नै चलायो ।’

ओलीबाहेक अन्यको फोटो नराख्ने निर्णय सार्वजनिक भएपछि सामाजिक सञ्जालमा नवीनजंग कार्कीले लेखेका छन्,‘ पार्टी अध्यक्ष बाहेक भनेको के हो ? अध्यक्ष कमरेड ओली मात्रै फोटो राख्ने तर जननेता कमरेड मदन भण्डारी, कमरेड पुष्पलाल श्रेष्ठ, कमरेड मनमोहन अधिकारी, कमेरड माक्र्स, कमरेड लेनिन, कमरेड माओत्सेतुङ आदीको नराख्ने भन्ने के हो ? कम्युनिस्ट नेता र झण्डा राख्नुपर्छ । पार्टी अध्यक्षको राख्न जरुरी छैन । ’

एमाले उपमहासचिव विष्णु रिमालका अनुसार पार्टी एंव जनसंगठनद्धारा आयोजना हुने सार्वजनिक कार्यक्रममा तीन अग्रह नेताका अतिरिक्त अध्यक्ष ओलीबाहेक अन्य कुनै नेताको फोटो राख्न नपाउने निर्णय बैठकले गरेको छ । सो निर्णय तल्लो तहका कमिटीद्धारा पालना गर्ने गराउने सम्बन्धमा पार्टीले छिट्टै नै परिपत्र गर्ने उनले जनाएका छन् ।

आजको राजधानी पत्रिकाको खबर छ ।

सिफारिस