काठमाडौँ, असोज १० । कृषी विकास बैँकको सिस्टम ह्याक गरि ५ करोड चोरी प्रकरणमा थप तीन जना पक्राउ परेका छन् ।
पक्राउ पर्नेहरुमा पर्वतका २६ बर्षीय गणेश बस्याल, मालती देवि न्यौपाने र कञ्चनपुरका यज्ञराज भट्ट रहेका छन् ।
भट्टको खातमा ४५ लाख र मालतीको खातामा २४ लाख रकम भेटिएपछि उनीहरूलाई अनुसन्धानका लागि पक्राउ गरिएको अपराध महाशाखाले जनाएको छ ।
पक्राउ परेका बस्यालको भने भारतमा बसेर हृयाकिङको योजना बनाउने काले भनिने पिटरसाग सम्पर्क भएको पाइएको महाशाखाका प्रमुख एसएसपी सहकुल थापाले जानकारी दिए ।
उनै बस्यालले मालती न्यौपाने र यसअघि पक्राउ परेका रामकृष्ण भुसाललाई रकम पठाउन लगाएको प्रारम्भिक अनुसन्धानबाट खुलेको छ ।
प्रहरीले यसअघि घटनामा संलग्न भएको आरोपमा पटकपटक गरी १३ जना पक्राउ गरिसकेका छन् ।
