काठमाडौं । थाइल्याण्डमा रहेको नेपाली राष्ट्रिय महिला भलिबल टिमले शुक्रबार थाइल्याण्डको बैंकक युनिभर्सिटीको टिमसँग प्रतिष्पर्धा गर्ने भएको छ ।
नेपाल र युनिभर्सिटीबीचको खेल अपराह्न ४ बजेपछि हुने प्रशिक्षक जगदिश भट्टले बताए ।
नेपालमा आयोजना हुने १३ औं दक्षिण एसियाली खेलकुद साग र बंगलादेशमा हुने एसियन भलिबल कन्फेडेरेसन एभिसी सेन्ट्रल जोन सिनियर महिला भलिबल च्याम्पियनसिपको तयारी गर्न नेपाली टोली थाइल्याण्ड गएका हुन् ।
थाइल्याण्डको मैत्रीपूर्ण खेल र प्रशिक्षणपछि नेपालले कात्तिक २२ देखि २७ गतेसम्म हुने एभिसी सेन्ट्रल जोन महिला भलिबल खेल्नेछ ।
