जाजरकोट : जाजरकोटको रामीडाँडा केन्द्र बिन्दु भएर शुक्रबार मध्यराती गएको ६.४ म्याग्निच्युडको भूकम्पमा परी अहिले बिहान ७ बजेसम्ममा जाजरकोटमा ९२ र रुकुम पश्चिममा ३७ जनाको मृत्यु भएको प्रहरीले जनाएको छ । प्रहरीले सार्वजनिक गरेको तथ्यांक अनुसार हालसम्म १२९ जनाको मृत्यु भएको छ । हालसम्म १४० जना घाइते भएको विवरण फेला परेको छ । अन्यको खोजी कार्य भइरहेको छ ।
रुकुम पश्चिममा प्रहरीका डिएसपीको कमाण्डमा ३२० जना प्रहरी परिचालन गरिएको छ । त्यस्तै जाजरकोटमा पनि डिएसपीकै कमाण्डमा ४५० जना प्रहरी परिचालन गरिएको छ । विहान ७ बजे नै प्रधानमत्री प्रचण्डको नेतृत्वमा मेडिकल टोली उद्दार र उपचारका लागि पुगेको छ ।
