काठमाडौं । प्रधानमन्त्रीको राजनीतिक सल्लाहकारबाट राजिनामा दिएका हरिबोल गजुरेलले राजिनामाको कारण खुलाउन अस्वीकार गरेका छन् ।
दियोपोष्टकर्मी खुमा वलीसँग संक्षिप्त कुराकानी गर्दै उनले राजिनामाको कारण नखुलाउने दावी गरेका हुन् । उनिसँगको प्रश्नोत्तर यस्तो छ ।
तपाईं प्रधानमन्त्रीको राजनीतिक सल्लाहकारबाट राजिनामा दिनुको कारण के हो ?
मैले आज राजिनामा दिएको हैन । मंसिर २० गतेनै राजिनामा दिएको हुँ ।
के कारणले दिनुभएको हो ?
कारण मैले राजिनामापत्रमा खुलाएको छु । अहिले सार्वजनिक गर्दिन । राजिनामा स्वीकृत भएको छैन ।
अन्य कुनै ठाउमा नियुक्ती अथवा मन्त्री बन्नको लागि त हैन ?
हैन, मेरो त्यस्तो व्यक्तिगत कारण छैन । सबै कुरा राजिनामापत्रमै खुलाएको छु ।
