इपिएल : आज २ खेल हुँदै

दियो पोस्ट  

काठमाडौं, मंसिर २६ । एभरेष्ट प्रिमियर लिग (इपिएल)मा आज बुधबार पहिलो खेलमा भैरहवाले विराटनगर वारियर्ससँग प्रतिष्पर्धा गर्दै छ । यस्तै काठमाडौँ किंग्स ११ ले ललितपुर प्याट्रियससँग प्रतिष्पर्धा गर्नेछ । हिजोका खेलमा भैरहवा ग्लाडिएटर्सले लगातार दोस्रो जित हासिल गरेको थियो ।

कीर्तिपुरस्थित त्रिवि मैदानमा भएको दोस्रो खेलमा चितवन टाइगर्सलाई १२ रनले पराजित गर्दै भैरहवाले लगातार दोस्रो जित निकालेको हो । जितसँगै भैरहवाले चार अङ्क जोडेको छ । भैरहवाले दिएको १४४ रनको लक्ष्य पछ्याएको चितवनले पूरै २० ओभर खेलेर नौ विकेट गुमाइ १३१ रनमात्र बनाउन सक्यो । चितवनका लागि ओपनर पउल स्ट्रलिङले सर्वाधिक ३६ रन बनाए भने जोन सिम्पसनले २६ तथा दिलिप नाथले १२ रन जोडे । शाहब आलमले नटआउट १६ रन बनाए ।

बलिङमा भैरहवाका कप्तान शरद भेषावकर र रवीइन्दर सिंहले दुई\दुई, रायन टेन डेसचाटे र अभिनाश बोहराले एक÷एक विकेट लिए । यसअघि टस हारेर पहिले ब्याटिङ गरेको भैरहवाले १९.३ ओभरमा सबै विकेट गुमाएर १४३ रन बनाएको थियो । भैरहवाका लागि राएन टेन डेसकाटेले ३५, प्रदिप ऐरीले २६, रवीइन्दर सिंहले २५, आरिफ शेख र पुनित मेहराले १२÷१२ रन जोडेका थिए ।

चितवनका सागर ढकालले तीन र जर्ज स्कटले दुई विकेट लिएका थिए । जारी प्रतियोगितामा चितवनको यो लगातार तेस्रो हार हो