काठमाडौँ, १२ । मलेसियामा आयोजना हुने एसीसी यू १९ इस्टर्न रिजन क्रिकेटको खेल तालिका सार्वजनिक भएको छ । जसमा नेपालले पहिलो खेलमा नेपालले म्यानमारसंग खेल्ने भएको छ ।
एसियन क्रिकेट काउन्सिलले खेल तालिका सार्वजनिक गर्दा नेपालको पहिलो प्रतिद्वन्दी म्यानमार परेको हो ।
समूह ‘ए’ मा रहेको नेपालले जुलाई २ मा म्यानमारसँग खेल्नेछ । यस्तै जुलाई ५ मा सिंगापुर र समुहको अन्तिम खेलमा जुलाई ६ मा चीनसंग खेल्नेछ ।
अर्को समूहमा आयोजक मलेसिया, भुटान, हङकङ र थाईल्याण्ड रहेका छन् । दुबै समुहका शिर्ष २ टिमले सेमिफाइनलमा स्थान बनाउनेछन।
नेपाल यो प्रतियोगिताको साविक विजेता पनि हो । उसले २०१७ मा भएको अघिल्लो संस्करणको फाइनलमा हङकङमाथि ५ विकेटको जित निकालेको थियो । साथै प्रतियोगितामा नेपाल अपराजित एक्लो टिम बनेको थियो । यसपटक पनि नेपालको लक्ष्य उपाधि रक्षाा गर्नु नै हुनेछ ।
