२४ घण्टामा थपिए ५ सय ३८ कोरोना संक्रमित, संक्रमित संख्या १० हजार भन्दामाथि !

दियोपोस्ट संवाददाता

काठमाडौँ, १० असार । पछिल्लो २४ घण्टामा नेपालमा मंगलबार ५३८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले मंगलबार ५३८ जना संक्रमित थपिएका नियमित प्रेस ब्रिफिङका क्रममा जानकारी दिएका छन् ।

उनीहरु मध्ये ४४८जना पुरुष र ९० जना महिला महिला छन् ।

यो सँगै नेपालमा कोरोना संक्रमितको संख्या १०,०९९ पुगेको छ ।

कोरोना संक्रमण निको भएर डिस्चार्ज हुनेको संख्या २२२४ रहेको छ । त्यसमा १८९ महिला र २०३५ पुरुष छन् । गत चौबिस घण्टामा मात्रै ८ महिला र ६८ पुरुष गरी ७६ जना डिस्चार्ज भएका हुन्।

नेपालमा कोरोना भाइरस संक्रमित फेला परेका जिल्लाहरुको संख्या ७६ छ । बागमती प्रदेशको रसुवा बाहेकका सबै जिल्लामा कोरोना संक्रमण फैलिएको छ ।

दैलेखका एक पुरुषको मृत्यु भएसँगै नेपालमा कोरोना संक्रमणका कारण मृत्यु हुनेको संख्या २४ पुगेको छ ।

सम्बन्धित खबर

सिफारिस