थप ४ सय ६३ जनामा कोरोना संक्रमण, कुल संक्रमितको संख्या १२ हजार ७७२ पुग्यो

काठमाडौँ, असार १४ । नेपालमा थप ४ सय ६३ जनामा कोरोनाभाइरसको संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले नियमित प्रेस ब्रिफिङमार्फत आइतबार थप १०५ महिला र ३५८ जना पुरुषमा कोरोना पुष्टि भएको बताएका हुन् ।

आइतबार भेटिएका नयाँ संक्रमितहरुमा मोरङ, झापा, उदयपुर, इलाम, सुनसरी, धनुषा, महोत्तरी, दार्जुला, गोरखा, खोटाङ, रौतहट, सर्लाही, सिन्धुपाल्चोक, गुल्मी, धादिङ, ललितपुर, बाजुरा, कास्की, नवलपुर, बागलुङ, सल्यान, लमजुङ, म्याग्दी, कपिलबस्तु, पाल्पा, प्युठान, दाङ, रोल्पा, रुकुम पश्चिमलगायतका जिल्लाका रहेका छन् ।

यो संगै नेपालमा कोरोना भाइरस संक्रमितको कुल संख्या १२ हजार ७७२ पुगेको छ।

यसैगरी कोरोना निको हुनेको संख्या ३ हजार नाघेको छ । बितेको २४ घण्टामा १३ महिला र १६६ पुरुष गरी १७९ जना संक्रमित निको भएर घर फर्किएको गौतमले जानकारी दिए । योसँगै कोरोना निको हुनेको संख्या ३ हजार १३ पुगेको उनले बताए ।