
काठमाडौं । नेपाल प्रहरीका नवनियुक्त २८ औँ महानिरीक्षक (आईजीपी) शैलेश थापा क्षेत्रीले पदभार ग्रहण गरेका छन् ।
गृह मन्त्रालयमा बिहीवार बिहान आयोजित एक कार्यक्रमकाबीच गृहसचिव महेश्वर न्यौपानेले आईजीपी क्षेत्रीलाई दर्ज्यानी चिह्न प्रदान गरेलगत्तै प्रहरी प्रधान कार्यालयमा पुगेर उनले पदभार ग्रहण गरेका हुन।
दर्ज्यानी चिह्न लगाएपछि उनलाई गृहमन्त्री रामबहादुर थापा ‘बादल’ र गृहसचिव न्यौपानेले बधाई तथा शुभकामना दिंदै प्रहरी संगठनको गरिमा एवम् छविलाई अझ उचाईमा पुर्याउने विश्चास व्यक्त गरेका थिए ।
सो क्रममा क्षेत्रीले आगामी दिनहरुमा प्रहरी संगठनलाई संस्थागत निर्णयको आधारमा अगाडि बढाइने वताएका थिए।