हिरासतमा भएका रविलाई चितवन कारागारमा कसरी भेटिन् स्वेता खड्काले

हिरासतमा भएका रविलाई चितवन कारागारमा कसरी भेटिन् स्वेता खड्काले

काठमाडौँ, भदौ ५ । अभिनेतृ स्वेता खड्काले आफुले रवि लामिछानेलाई कारागारमा भेटेर आएको बताएकी छिन् । चितवन स्थित जिल्ला प्रहरी कार्यलयको हिरासतमा भएका रविलाई कारागार चलान नगरिएको भएतापनि अभिनेतृ स्वेता खड्काले आफुले रविलाई कारागारमै भेटेर आएको बताएकी छिन् ।

उनले निर्दोष दोषी सावित नभएपनि रविलाई दोषीसरह राखिएको समेत बताएकी छिन् । विहीबार रवि लामिछानेलाई भेटेर आएपछि सामाजिक संजाल फेसबुकमा लेख्दै जेल भित्र रवि लामिछाने संग २ मिनेटको भलाकुसारी समेत गरेको बताएकी छिन् ।

सामाजिक संजाल फेसबुमा उनले यस्तो लेखेकी छिन्

…यो अँधेरो केहिबेरको लागी मात्र हो , भोली बिहान फेरी सुर्य उदाउने छ र नयाँ b[Zo छर्लङ्ग देखिनेछ आदरणीय रवी लामिछाने दाईसंग आज भरतपुर कारागारमा भेट्दा उहाँले बोलेको यो वाक्यले मेरो मन छोयो ।

कसुर सावित नभएतापनी कसुरवार सरह जिवन यापन गरिरहेका रवी दाइसंगको २ मिनेटको त्यो भेटमा उहाँले मेरो स्वास्थ्य अवस्था मात्र होईन सिन्धुपाल्चोकमा निर्माणाधिन माझी बस्तिको बारेमा पनि सोध्न भ्याउनुभयो ।

म, रवी दाईसंग जेल भित्र २ मिनेटको भलाकुसारी गरिरहंदा बाहिर उनै रवी दाईको समर्थनमा घन्किरहेको केहि नाराहरुले हामी बिचको संवादमा अवरोध खडा गरिरहेको थियो । ३६ डिग्री को उग्रतापमा गुन्जिरहेको ” हाम्रो देश, हाम्रो रवी , प्राण भन्दा प्यारो छ ” भन्ने आवाजलाई म स्पस्ट सुनिरहेको थिएँ । त्यही आवाजका बिचमा हाम्रो संवाद चलिरहेको थियो ।

निस्चित अवधिभित्र, समुहमा भेट्नुपर्ने नियमानुसार हाम्रो ठुलो टोली रवी दाईलाई भेट्न गएका थियौ । रवी दाईलाई कैदीको रुपमा टाढैबाट पहिलो द्रुश्य मेरो आँखामा पर्दा मनमा चसक्क काँडा बिझेसरी भएको थियो ।

त्यती खेरै मैले सम्झें, केहि बर्ष अगाडी मैले रवी दाईको बारेमा सम्प्रेशण गरेको लेख । रबी लामिछाने जस्ता न्यायिक ब्यक्तिको पक्षमा लेखिएको मेरो त्यो लेखको सिर्सक भित्र लुकेको भावलाई नपढी धेरै ब्यक्तीले मलाई नकारात्मक प्रतिकृया दिए । मलाई अपाच्य हुनेखालका अपशब्दहरु प्रयोग गरिए । तर म , सँधै न्याय र सामाजिक हितको पक्षमा उभिने एउटी अवला नारी । मैले आजसम्म कुनै राजनैतिक दलको सदस्यता लिइनँ र कुनै ब्यक्तिलाई कुनै एउटा राजनैतिक दलको कार्यकर्ताको रुपमा ब्यवहार वा सोही अनुरुपको संगत गरिंन । मलाई मानवियता भन्दा कुनै दल , धर्म वा बर्ग ठुलो छ जस्तो कहिल्यै महुसुस भएन । जतिखेर मैले /वी लामिछाने दाई जस्तो असल ब्यक्ती सतिले सरापेको यो देशमा काम छैन र उहाँलाई टुँडिखेलमा लगेर फाँसी दिईनुपर्छ भन्ने लेख सम्प्रेशण गरेको थिएँ त्यो बेला नेपाली कँग्रेसको सरकार थियो र मलाई त्यसबेला कंग्रेसका झोलेहरुले नेकपा एमाले या माओवादीको दिएका थिए । आज म , रवी दाईलाई चितवनामा भेटेर फर्किरहँदा यतिखेर नेकपा को सरकार छ । अब म ढुक्क छु , मलाई नेकपाका केहि झोले कार्यकर्ताहरुले अब नेपाली काँग्रेस वा राजावादी दलको वात लगाउनेछन । मलाई कहिले काँग्रेस , कहिले एमाले या माओवादीका साथै राजावादी दलको सकृय कार्यकर्ताको वात लाग्नु कुनै नौलो पनि रहेन । यदी /fम्रो मान्छेलाई हाम्रो मान्छे” को रुपमा लिंदा कुनै दल वा वर्गको आरोप लाग्छ भने म त्यो आरोपलाई सहर्श स्विकार गर्न तयार रहन्छु । मलाई आरोपका कुनै कुराहरुले फरक पर्ने वाला छैन । म न्यायप्रेमी नारी , म स्वतन्त्रताको पक्षधर । मलाई निस्पक्ष र निस्कपट छानविनको अन्तिम निर्णय मान्य हुनेछ । सालिकराम पुडासैनीकी बिधुवी श्रीमती सम्झना पुडासैनीको उजाड सिउँदो र रवी लामिछाने दाईकि निर्दोश श्रीमती निकिता पौडेलले पनि न्याय पाउनु पर्छ । न्याय नडगमगाओस । जे भएको हो त्यही देखोयोस , जे वितेको हो त्यही लेखिओस । न्यायलय प्रतिको हाम्रो आस्था, बिस्वास र भरोसा ओइलाएर नजाओस । मेरो कामना ।

यद्यपी रवि लामिछानेलाई जेल भने चलान गरिएको छैन । टेलिभिजन पत्रकार शालिकराम पुडासैनीले आत्महत्या अगाडी रेकर्ड गरेको भिडियोमा रवि लामिछानेसहित ३ जनाको नाम लिएपछि उनलाई अनुसन्धानको लागि हिरासतमा मात्र लिइएको हो ।

आत्महत्याको लागि दुरुत्साहन गरेको आरोपमा रवि सहित युवराज कँडेल र सुस्मिता कार्कीलाई हिरासतमा लिएर अनुसन्धान गरिएको हो । अनुसन्धानको लागि चितवन जिल्ला अदालतले थप पाँच दिन म्याद थप गरेको छ ।

Trending News