काठमाडौँ, भदौ १२ । विश्वकप छनोट खेलका लागि २३ सदस्यीय खेलाडीको टोली घोषणा भएको छ । नेपाली फुटबल टिमका मुख्य प्रशिक्षक योहान कालिनले कुबेत र चाइनिज ताइपेविरुद्ध खेल्ने टोलीको सुचि सार्वजनिक गरेका हुन् ।
नेपाली राष्ट्रिय फुटबल टोलीको नियमित कप्तान विराज महर्जन भने यसपालीको खेलमा सहभागी हुन पाउने छैनन् । उनलाई विश्वकप छनोट खेलका लागि सार्वजनिक गरिएको खेलाडीको सुचिमा समावेश गरिएको छैन । उनिसंगै एलन न्यौपाने र विमल राना पनि टोलीमा परेका छैनन् ।
आगामी भदौ १९ मा कुबेत र २४ मा चाइनिज ताइपेइसंग उनिहरुकै घरेलु मैदानमा नेपालले प्रतिस्पर्धा गर्नेछ । नेपाली टोलीको प्लेइङ इलाभने अन्तर्गत गोलकिपरमा किरण चेम्जोङ, विकेश कुथु र विशाल श्रेष्ठमध्य एक जना हुनेछन् । त्यस्तै रक्षापंक्तिमा अनन्त तामाङ, देबेन्द्र तामाङ, सुमन अर्याल, अजित भण्डारी, दिनेश राजवंशी, सरोज दाहाल, रजिन धिमाल रहने छन् ।
टोलीको मिडफिल्डमा सुजल श्रेष्ठ, विशाल राई, विक्रम लामा, सन्तोष तामाङ, सुनिल बल, अञ्जन विष्ट, हेमन गुरुङ, तेज तामाङ, रोहित चन्द र रवि पासवान रहेका छन् भने फरवार्डमा विमल घर्ति मगर, नवयुग श्रेष्ठ र अभिषेक रिजाल रहेका छन् ।
