समाचारको स्रोत माग्दै विदेशी नम्बरबाट दियोपोस्टका प्रधानसम्पादकलाई धम्की !

diyopost.com
दियो पोस्ट  आइतबार, साउन २४, २०७८ | १८:४५:४३

काठमाडौं, २४ साउन । दियोपोस्ट डटकममा प्रकाशित समाचारलाई लिएर एक व्यक्तिले धम्की दिएका छन् । ती व्यक्तिले विदेशी नम्बरबाट दियोपोस्टका प्रधानसम्पादक सुदीप विश्वकर्मालाई ‘समाचारको स्रोत के हो’ भन्दै धम्की दिएका हुन् ।

ती व्यक्तिले आफू मनिन्द्रराज मल्लको नजिकको व्यक्ति रहेको बताउँदै धम्की दिएका हुन् । उनले बेलायती कोड भएको नम्बर +४४७४०५८२७७७३ नम्बरबाट फोन गर्दै ‘समाचारको स्रोत के हो ?’ भन्दै धम्की दिएका हुन् ।


‘हिजो तपाईंले मनिन्द्र मल्ल भन्नेको समाचार लेख्नु भएको रहेछ । तपाईंलाई यो जानकारी कहाँबाट आयो,?’ ती व्यक्तिले स्रोत खोज्दै भने,‘म उहाँ (मनिन्द्र मल्ल)को शुभचिन्तक हुँ । मेरो नाम सन्दिप हो । उहाँ केपी ओलीसँग जोडिएको छ भनेर कसरी थाहा पाउनु भयो । तपाईंको मिडिया दर्ता छैन भन्ने कुरा पनि हामीलाई जानकारीमा आएको छ । दर्ता छ भने ठीकै छ ।’


ति व्यक्तिलाई सुचना विभागको दर्ता नम्बर नै चाहिन्छकी भनेर विश्वकर्माले जवाफ दिएपछि उनले भने,‘यो समाचारको सुत्र को पर्नुभयो । तपाईंले केपी ओलीको विषयमा लेख्नु भएको ठीक छ । तर उहाँ जोडिएको छ भनेर कसरी थाहा पाउनुभयो । यो समाचार माओवादीकोबाट आयो की कुलमानकोबाट आयो ? कुलमानको पनि फाइल अख्तियारमा छ भन्ने कुरा तपाईंलाई थाहा होला नी यो पनि लेखिदिनुस् न । कुलमानले ३० करोडभन्दा बढी भ्रष्टाचार गरेको छ । त्यो पनि लेखिदिनुस् ।’


दियोपोस्टमा प्रकाशित समाचारले आफूहरुको चरित्रहत्या भएको ती व्यक्तिको दाबी छ । भिओआइपी कल बाइपासको अभियोगमा पक्राउ परेका मनिन्द्रराज मल्ललाई तत्कालिन प्रधानमन्त्री केपी शर्मा ओलीले विद्युत प्राधिकरणमा आफ्ना प्रतिनिधिका रुपमा कमिशन उठाउन खटाएको विषयमा दियोपोस्टले समाचार छापेको थियो । सोही समाचारको विषयमा ती व्यक्तिले स्रोत मागेका हुन् ।


‘मल्ल भन्ने मान्छे नेपालमा दूरसञ्चारको क्षेत्रमा धेरै प्रकारका कामहरु गरेको छ । उहाँको नेपाल टेलिकमका प्रबन्ध निर्देशक डिली अधिकारीसँग राम्रो सम्बन्ध छ,’ ति व्यक्तिले भने,‘उहाँले भिओआइपी कल बाइपासमा पनि सफाई पाउनु भएको हो ।’

कल बाइपासका अभियुक्तले उठाउँथे केपी ओलीका लागि विद्युत प्राधिकरणबाट वार्षिक ७५ करोड !

सम्बन्धित खबर