रूपन्देही । रूपन्देहीमा कुटपिट गरी हत्या गरेको आरोपमा ८ जना पक्राउ परेका छन् । जिल्लाको तिलोत्तमा नगरपालिका–९ केवलानीस्थित एसजि रेष्टुरन्टमा २ समूहबीच आपसी विवाद एवम् कुटपिट हुँदा एक जनाको मृत्यु भएको छ ।
कुटपिटमा संलग्न नुवाकोट लिखु गाउँपालिका–४ बस्ने १९ वर्षीय रोमन तामाङ सहित ८ जनालाई प्रहरीले पक्राउ गरेको हो । मादक पदार्थ सेवन गरी २ समूहबीच विवाद भई कुटपिट भएको भन्ने खबर प्राप्त हुनासाथ ईलाका प्रहरी कार्यालय मंगलापुर र ईलाका प्रहरी कार्यालय बुटवलबाट खटिएको प्रहरी टोली घटनास्थिलमा पुगेका थिए ।
उक्त घटनामा घाइते भएका मकवानपुर हेटौंडा बस्ने २५ वर्षीय सुरेश स्याङतानसहित ४ जनालाई प्रहरीले उपचारका लागि मेडिकल कलेज भैरहवा पठाएकोमा उपचारको क्रममा सुरेशको सोमबार राति मृत्यु भएको हो । घाइतेमध्ये १ जनाको अवस्था गम्भीर रहेको छ
।
यस सम्बन्धमा प्रहरीले आवश्यक अनुसन्धान गरिरहेको छ ।
