काठमाडौं । विभिन्न ठाउँमा सवारी दुर्घटना हुँदा २ जनाको मृत्यु भएको छ ।काठमाडौं महानगरपालिका–७ चावहिलस्थित सडकमा प्रदेश १ ०२–०५० प ६७८९ नम्बरको मोटरसाइकल र बा.प्र.०२–०४४ प २८५० नम्बरको मोटरसाइकल एकआपसमा ठक्कर खाई दुर्घटना हुँदा एक जनाको मृत्यु भएको छ । मृत्यु हुनेमा बा.प्र।.०२–०४४ प २८५० नम्बरको मोटरसाइकल चालक काठमाडौं पुतलीसडक बस्ने पर्सा वीरगंज महानगरपालिका–१४ घर भएका ३२ वर्षीय पर्शुराम महतो रहेका छन् । दुर्घटनामा गम्भीर घाइते भएका उनको ओम अस्पतालमा उपचारको क्रममा सोमबार बेलुकी मृत्यु भएको हो । साथै दुर्घटनामा घाइते भएका दुवै मोटरसाइकलमा सवार अन्य ३ जनाको सोही अस्पतालमा उपचार भइरहेको छ ।
यसैगरि बाराको जितपुर सिमरा उपहानगरपालिका–१६ बाराकिलोस्थित सडकमा प्र.न.३–०३–००१ प ००३९ नम्बरको मोटरसाइकललाई प्र.न.३–०१०–२२ च ३१९७ नम्बरको पिकअप गाडीले ठक्कर दिँदा मोटरसाइकल चालकको मृत्यु भएको छ । मृत्यु हुनेमा मकवानपुर हेटौंडा उपमहानगरपालिका–११ बस्ने २४ वर्षीय निशान श्रेष्ठ रहेका छन् । ठक्करबाट गम्भीर घाइते भएका उनको सामुदायिक प्रसुति अस्पताल निजगढमा उपचारको क्रममा सोमबार साँझ मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ । पिकअप गाडीका चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
