धादिङ, भदौ १५ । धादिङको ज्वालामुखी गाउँपालिका–६ धौखोलमामा बोलेरो दुर्घटना भएको छ । सोही गाउँपालिकाको वडा नम्बर ५ खरिबाट सदरमुकाम आउँदै गरेको ग १ ज ५४३१ नम्बरको बोलेर सडकबाट ५ मिटर तल खसेर दुर्घटनाग्रस्त भएको हो ।
दुर्घटनामा मानविय क्षति नभएपनि १४ जना घाइते भएका छन् । घाइतेमध्य एकजनाको स्थिति गम्भिर भएको कारण उपचारको लागि काठमाडौँको ट्रमा सेन्टर लगिएको जिल्ला प्रहरी कार्यलय धादिङका सुचना अधिकारी प्रहरी नायव उपरिक्षक रुपक खड्काले दियोपोस्टलाई जानकारी दिएका छन् ।
गम्भिर घाइते हुनेमा ज्वालामुखी ५ खरिकी काली गुरुङ रहेकी छिन् । उनको टाउकोमा चोट लागेको कारण उपचारको लागि काठमाडौँ पुर्याइएको हो । क्षमताभन्दा बढी यात्रु र बिग्रेको सडकको कारण दुर्घटना भएको हो । उक्त बोलेरोमा कतिजना यात्रु थिए भन्ने यकिन विवरण अझै नआइसकेको डिएसपी खड्काले बताए ।
