काठमाडौँ, भदौ २३ । त्रिभुवन अन्तराष्ट्रिय विमानस्थलबाट सुनसहित एक जना पक्राउ परेको छ ।
सोमबार कतारको दोहाबाट काठमाडौँ आएको हिमालयन एयरलाइन्सको विमानमा सवार एक व्यक्ति १ किलो ४ सय ग्राम सुनसहित पक्राउ परेका हुन् ।
मसला पिन्ने ग्रिन्डरभित्र हालेर ल्याउँदै गर्दा विमानस्थल प्रहरीले पक्रेको हो ।
पक्राउ परेको व्यक्ति र सुनबारे अनुसन्धान भइरहेको विमानस्थल भन्सार कार्यलयले जनाएको छ ।
