काठमाडौँ, असोज २ । सरकारले अति विशष्ठ व्यक्ति भीभीआइपीका लागि भन्दै खरिद गरेको हेलिकप्टर काठमाडौँ आइपुगेको छ ।
उक्त हेलिकोप्टर दिउँसो साढे ३ बजे त्रिभुवन अन्तराष्ट्रिय विमानस्थलमा अवतरण गरेको विमानस्थलस्रोतले जनाएको छ । १ अर्ब ४० करोड रुपैयाँमा खरिद गरिएको हेलिकोप्टरको क्षमता ८ सिट रहेको छ।
नेपाली सेनाले सञ्चालन गर्नेगरी खरिद गरिएको उक्त हेलिकोप्टरको नेपाली दर्ता नम्बर ‘नाइएन–पिएमए’ हुनेछ।
इटालीबाट खरिद गरिएको यो हेलिकप्टर नेपाली सेनाको स्वामित्व र सञ्चालन हुने भए पनि यसको दर्ता र नियमन भने नागरिक उड्डयन प्राधिकरणको रहनेछ। यो हेलिकोप्टर सञ्चालनका लागि नेपाल नागरिक उड्डयन प्राधिकरणबाटै अनुमति लिनुपर्नेछ।
