
Traffic is seen as number of vehicles increase in the street after government and private offices, banks and financial institutions have partially been opened during 77th day of nationwide lockdown imposed amid concerns over novel coronavirus outbreak in Kathmandu, on Monday, June 8, 2020. Photo: Naresh Shrestha/THT
काठमाडौं, २४ भदौ । उपत्यकाका तीन जिल्लामा जारी निषेधाज्ञामा केही खुकुलो हुने भएको छ । निजी सवारीलाई जोर विजोर चल्न दिने र फरक प्रकृतिका पसल फरक दिनमा सञ्चालन गर्ने लगायतका निर्णय सहित अन्तिम स्वीकृतिका लागि गृहमन्त्रालयमा पठाइएको छ ।
उपत्यकाका तीन जिल्लाका प्रमुख जिल्लाअधिकारी तथा अन्य सम्बन्धित सरोकारवालहरुको हिजो भएको बैठकले सो अनुसारको निर्णय गरी गृहमन्त्रालय पठाएको बैठकका एक सहभागीले बताए ।
यसबारे गृहबाट अनुमति प्राप्त हुनसाथ आजै निषेधाज्ञाको मोडालिटी सार्वजनिक गरिने ती अधिकारीको भनाइ छ ।
मंगलबार काठमाडौं उपत्यका नगरपालिका मेयर फोरम, उद्योगी सुरक्षा निकायसँग भर्चुअल छलफलपछि काठमाडौं उपत्यकाका तीन जिल्लाका प्रमुख जिल्ला अधिकारीहरुले निषेधाज्ञाको बिषयमा औपचारिक छलफल गरेर निर्णय गृह मन्त्रालय पठाएको हो । काठमाडौंका प्रमुख जिल्ला अधिकारी जनकराज दाहालले नगरपालिका मेयर फोरम, उद्योगी सुरक्षा निकायसँग भर्चुअल छलफलपछि निर्णय गरेको र सोही जानकारी गृह मन्त्रालयमा पठाएको बताए। मेयर फोरमको मंगलबार बसेको बैठकले काठमाडौं उपत्यकाका सबै नाका कडाइ गर्न सेना परिचालन गरी उपत्यकाभित्रको निषेधाज्ञालाई विस्तारै खोल्नुपर्ने निर्णय गरेको थियो ।
प्रमुख जिल्ला अधिकारीहरुले सबैसँगको छलफलको आधारमा निर्णय लिइसकेको सो निर्णयलाई राय लिनको लागि गृह मन्त्रालयमा पठाएको र गृहमन्त्रालयले निर्देशन दिएपछि निर्णय सार्वजनिक गर्ने बताए । बुधबार समेत उपत्यकाका तीन जिल्लाका प्रमुख जिल्ला अधिकारीहरुको भर्चुअल बैठकपछि निर्णय सार्वजनिक गर्ने उनले बताए।