चिनियाँ राष्ट्रपति सीको आजको भेटघाट तालिका यस्तो छ, दिउँसो १ बजे स्वदेश फर्कने

काठमाडौं, असोज २६ । नेपालको राजकीय भ्रमणमा रहेका चिनियाँ राष्ट्रपति सी जिनपिङ आज आईतबार पनि राजनीतिक भेटवार्तामा व्यस्त रहने छन् ।

स्वदेश फर्कनुअघिसम्म उनले राजनीतिक दलका शीर्ष नेतादेखि विभिन्न व्यक्तिसँग छलफल गर्ने कार्यत्रम छ ।

चिनियाँ राष्ट्रपति सी ले शनिबार बेलुका राष्ट्रपति विद्यादेवी भण्डारीसँग शिष्टाचार भेट गरे । यस्तै प्रमुख विपक्षी दलका नेता तथा पूर्व प्रधानमन्त्री शेरबहादुर देउवासँग पनि भेटवार्ता गरे ।

सी ले आइतबार सत्तारुढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड लगायतसचिवालय सदस्यहरुसँग भेटवार्ता गर्ने कार्यक्रम छ ।

त्यस लगत्तै सी र प्रचण्डबिच एक्लाएक्लै भेटवार्ता हुनेछ । प्रचण्डसँगको भेटपछि सी र प्रधानमन्त्री केपी शर्मा ओलीबिच शिष्टाचार भेट विहान ११ बजे हुनेछ ।

सी र ओलीबिचको भेट लगत्तै द्विपक्षीय वार्ता हुनेछ ।
सी मध्याहन्न १२ बजेपछि स्वदेश फिर्ताका लागि विमानस्थल तर्फ जाने र दिउँसो १ बजे चीनका लागि प्रस्थान गर्ने कार्यक्रम तय भएको छ ।

सरकारले सी को भ्रमणलाई लक्षित गरेर आइतबार सार्वजनिक बिदा दिएको छ ।