गृहमन्त्री बादल र युएनएचसिआरका एसिया निर्देशक भेटवार्ता, भुटानी र रोहिंग्या शरणार्थी समस्याबारे छलफल

गृहमन्त्री बादल र युएनएचसिआरका एसिया निर्देशक भेटवार्ता, भुटानी र रोहिंग्या शरणार्थी समस्याबारे छलफल

काठमाडौँ, ३० कात्तिक । गृहमन्त्री रामबहादुर थापा‘बादल’सँग नेपाल भ्रमणमा रहेका शरणार्थीका लागि संयुक्त राष्ट्रसंघिय उच्चायुक्तको कार्यालय (युएनएचसिआर)का एशिया प्रशान्त क्षेत्र व्युरोका निर्देशक इन्द्रिका रातवत्तले आज शिष्टचार भेटवार्ता गरेका छन् ।

गृहमन्त्रालयमा भएको सो भेटवार्ता नेपालमा रहेका भुटानी शरणार्थी, तिब्बती शरणार्थी र रोहिङया लगायतका शरणार्थीको विषयमा छलफल केन्द्रीत रहेको थियो ।
भेटमा गृहमन्त्री थापाले नेपालमा रहेका शरणार्थीको पुनर्वास र पुर्नस्थापनाका लागि युएनएचसीआरले गरीरहेको सहयोगप्रति धन्यवाद व्यक्त गर्दै आगामी दिनमा समेत सहयोगले निरन्तरता पाउने विश्वाँस व्यक्त गरेका छन् ।

उनले भुटानी शरणार्थीको तेस्रो मुलुकमा पुर्नस्थापना कार्यक्रम सफल भएको बताउँदै करिब एक लाख भुटानी शरणार्थीहरुलाई सो कार्यक्रममार्फत तेस्रो मुलुकमा व्यवस्थापन गरीएको बाँकी रहेका करिब ६ हजार पाँच सय भुटानी शरणार्थीहरुका सम्बन्धमा छिट्टै समाधान निस्कने विश्वास समेत व्यक्त गरेका छन् ।

बाँकी रहेका भुटानी शरणार्थीहरुका सम्वन्धमा विभिन्न विकल्पहरुबारे छलफल भईरहेको र सबैभन्दा स्थायी समाधान उनिहरुलाई भुटानमै फर्काउनु रहेका भन्दै त्यसका लागि छिट्टै भुटान सरकारसँग नेपालले छलफल अघि बढाउन लागेको जानकारी दिएका छन् । उनले शरणार्थीको अधिकारको विषयमा नेपाल सरकार गम्भिर रहेको समेत बताए ।

निर्देशक रातवत्तेले शरणार्थीका विषयमा नेपालले खेल्दै आएको भूमिका सराहनीय रहेको टिप्प्णी गर्नुभयो ।बाँकी रहेका भुटानी शरणार्थीको समस्या समाधानका लागि नेपाल सरकारसँग मिलेर काम गर्न युनएनएचसिआर तयार रहेका बताए ।

Trending News