एजेन्सी। अमेरिकाको कोलोराडोस्थित एक सपिङ मलमा गोली चल्दा एक जनाको मृत्यु भएको छ।
सिएनएनका अनुसार कोलोराडोको सिटाडेल सपिङ मलमा आइतबार साँझ क्रिसमस इभको तयारी हुँदै गर्दा गोली चलेको हो।
कोलोराडो प्रहरीका अनुसार गोली लागेर एक जनाको मृत्यु भएको छ भने दुईजना घाइते छन्। घाइते दुवैको अवस्था गम्भीर रहेको प्रहरीले जनाएको छ।
मलमा दुई समूहबीच विवाद हुँदै गर्दा एक्कासी गोली चलेको प्रहरीलाई उद्धृत गर्दैस सिएनएनले उल्लेख गरेको छ।
प्रहरीले त्यहाँबाट धेरै व्यक्तिहरूलाई नियन्त्रणमा लिएर अनुसन्धान गरिरहेको बताएको छ।
शुनिबार मात्रै अमेरिकाको फ्लोरिडास्थित एक मलमा गोली चलेको थियो।
अमेरिकामा गोली काण्डका घटना दैनिकजसो भइरहेकाले त्यहाँका नागरिकहरूले बन्दुक लिन पाउने व्यवस्थालाई केही कडा गर्नुपर्ने आवाज उठ्दै आएको छ।
