नेपालमा कोरोना भाईरसको दास्रो लहर बढेसँगै (कोभिड १९) को महामारी चलिरहेको छ । यस्तो अवस्थामा कोरोनाको लक्षण कस्तो कस्तो देखिन्छ त वा कोरोना संक्रमण भएको बेलामा कस्ता कस्ता खानेकुराहरु खानु हुन्छ वा हुँदैन भन्ने विषयमा आज हामिले तपाँईहरुलाई सामान्य जानकारी दिन गईरहेका छौँ ।
कोभिडका लक्षण नभएकाले पनि खानामा कार्वोहाईड्रेटको स्रोत भएका खानेकुराहरु जस्तै आटा, कोदो, चामल, तरुल जस्ता खानेकुराहरुलाई आफ्नो निएमित खानाको रुपमा राख्नु पर्दछ ।
सामान्यतया कोभिड(१९ संक्रमित) भएका व्यक्तिहरुमा निम्न प्रकरका लक्षणहरु देखा पर्दछ ।
१.उच्च ज्वरो आउँने
२.थकान बढि लाग्ने
३. सुख्खा खोकी लाग्ने
४.टाउको दुख्छ
५.सास फेर्न गाह्रो हुने
६.शरीरको मांशपेशी दुख्ने
७.धेरै खकार, सिगान आँउने
कोभिड(१९ संक्रमित) भएका व्यक्तिहरुले के के खानेकुराहरु खान हुन्छ वा हुँदैन ।
खान मिल्ने खनेकुराहरु
१.दैनिक रुपमा मौसम अनुसारको हरियो सागसब्जी तथा फलफूलहरु प्रशस्त मात्रामा खाने ।
२. कम्तिमा २ लिटर पानी दैनिक पिउने।
३. बिहान, बेलुका बेसार पानी वा दूधमा बेसार राखेर पिउने।
४. चपाउन समस्या भएको खण्डमा खिचडी, लिटो, गिलो खाना खाने।
५. ६० बर्षमाथिको उमेर समूहकाहरुको हकमा उनीहरुको हड्डी कमजोर हुन सक्ने भएकोले क्याल्सियम बढि पाईने खानेकुराहरु जस्तैः दूध, दहि, मोहि, दूधबाट बनेका परिकारहरु जस्तैः पनिर, केफिर, छेना जस्ता परिकारहरु नियमित खाने।
६.भिटामिन ए का स्रोतहरु मासु, कलेजो, अण्डाको पहेलो भाग, माछा, घिउ, दुध, पाकेको मेवा, सुन्तला रंगको सखरखण्ड, गाँजर, हरिया सागपात तथा पहेला फलफूलहरु आदि खाने ।
७.भिटामिन सि का स्रोतहरु : अमिला फलफूल जस्तैः अमला, कागती, सुन्तला, मौसम आदि फलफुल तथा पालकजस्ता हरिया सागपात आदि।
८.दैनिक रुपमा कम्तिमा ३० मिनेट योगाभ्यास, शारीरिक ब्यायाम गर्ने, चिन्तामुक्त रहने ।
खान नमिल्ने खानेकुराहरु
१. धेरै नुन वा चिनि भएका बजारिया खानेकुरा नखाने।
२.बट्टा अथवा प्याकिङ गरेर लामो समय राखेका परिकारहरु नखाने।
३.कार्बोनेटेड पेय पदार्थहरु नखाने।
४.चिल्लो, तारेको खानेकुराहरु नखाने।
५.धुम्रपान तथा मद्यपान नगर्ने।
