काठमाडौं, २७ वैशाख । रौतहटमा पाँच दिनको अन्तरालमा कोरोना भाइरस संक्रमणबाट एकै परिवारका दुई जनाको मृत्यु भएको छ ।
रौतहटको गढीमाई नगरपालिका, ३ का ५० वर्षीय पुरुषको मृत्यु भएको पाँच दिनपछि उनकी ५६ वर्षीया भाउजुको कोरोना संक्रमणबाट मृत्यु भएको हो ।
थप उपचारका लागि अस्पताल लैजाने क्रममा महिलाको सोमबार बाटोमै मृत्यु भएको हो । उनी गौरस्थित अस्थायी कोभिड अस्पतालमा उपचाररत थिइन् ।
मृतक महिलाको श्रीमानमा पनि संक्रमण देखिएको छ । उनको गौर अस्पतालमा उपचार भइरहेको छ ।
