काठमाडौँ, भदौ १८ । स्याङजाको गल्याङमा जिप दुर्घटना हँदा एक बालिकाको ज्यान गएको छ । पाल्पाको हुँगीबाट आउँदै गरेको लु १ ज ३८४१ नम्बरको जीप गल्याङको दिमिक भन्ने स्थानमा दुर्घटना हुँदा २३ जना घाइते भएका छन् ।
अधिकांश तीज मनाएर घर फर्किँदै गरेका महिलाहरु चढेको उक्त जिप सडकबाट तल खसेको थियो । जिपमा सवार २४ जनामध्य अञ्दाजी ३ बर्षीया बालिकाको घटनास्थलमै मृत्यु भएको छ भने अन्य २३ जना घाइते भएका छन् । उपचारका लागि २१ जनालाई पाल्पा स्थित प्रवास हस्पिटलमा रिफर गरिएको छ। अन्य दुईजनाको भने गल्याङ् सामुदायिक अस्पतालमा उपचार भइरहेको छ।
घाइतेमध्ये २ जनाको अवस्था गम्भीर रहेको जनाइएको छ। पाल्पाबाट आएको जिपले गल्याङ्बाट आएको जिपलाई साइड दिने क्रममा सडकबाट करिब ४ सय मिटर तल खसेको प्रहरीले जनाएको छ ।
