काठमाडौ, १६ मंसिर । मलेशियामा नेपाली मजदुरलाई अपहरण गरि फिरौती असुलीको आरोपमा पक्राउ परेका डेभिड भनिने दुर्गा बहादुर श्रेष्ठ पुर्पक्षका लागि जेल चलान भएका छन् ।
गत असोज १३ गते डेभिडलाई प्रहरी अनुसन्धान केन्द्रीय ब्युरो सिआइबीले पक्राउ गरेको थियो ।
मलेशियामा रहँदा डेभिडले आफ्नै श्रीमतिको समेत सहयोगमा आफ्नै रेष्टुरेन्टमा काम गर्ने मोहम्मद रैदासलाई अपहरण गरि १५ लाख रुपैयाँ फिरौती माग गरेका थिए ।
रैदासकी श्रीमतीले नेपालबाट हिमालयन बैंकमा रहेको डेभिडको खातामा फिरौतीको रकम जम्मा गरिदिएका थिए । बैंककै सुचनाको आधारमा सिआइबीले उनलाई पक्राउ गरेको हो ।
