प्रधानमन्त्रीको प्रमुख राजनीतिक सल्लाहकारमा हरिबोल गजुरेल नियुक्त
काठमाडौं । प्रधानमन्त्री पुष्पकमल दाहाल प्रचण्डको प्रमुख राजनीतिक सल्लाहकारमा हरिबोल गजुरेल नियुक्त भएका छन्।
नेकपा माओवादी केन्द्रका उपमहासचिव समेत रहेका गजुरेललाई प्रधानमन्त्री प्रचण्डले प्रमुख राजनीतिक सल्लाहकार बनाएका हुन्।
गजुरेलले आफूलाई आज (सोमबार) प्रमुख राजनीतिक सल्लाहकार नियुक्त गरेको बताए।
गजुरेल मंसिर ४ को निर्वाचनमा सिन्धुलीबाट उम्मेदवारको आकांक्षी थिए। तर उनले टिकट नै पाएका थिएनन्। त्यतिबेलादेखि उनी असन्तुष्ट थिए।
