बहराइन जानुअघि राष्ट्रपतिसँग सभामुख घिमिरेको भेट
काठमार्डाैं । राष्ट्रपति विद्यादेवी भण्डारीसँग सभामुख देवराज घिमिरेले मंगलबार भेट गरेका छन् ।
राष्ट्रपति कार्यालयमा भएको भेटमा सभामुख घिमिरेले अन्तरव्यवस्थापिका संघ (आईपीयू) बैठकबारे जानकारी गराएका छन् ।
आईपीयूको १४६ औं बैठकका लागि ९ सदस्यीय टोलीको नेतृत्व गर्दै सभामुख आगामी फागुन २६ गते बहराइन प्रस्थान गर्दैछन् ।
आईपीयू बैठक फागुन २७ देखि चैत १ गतेसम्म बहराइनको मनामा शहरमा हुँदैछ ।
