गौतम बुद्धबारे वानकी मुनको सनसनीपूर्ण भिडियो, हेर्नुहोस् के भने मुनले ?

काठमाडौं, १० चैत्र । गौतम बुद्धबारे विवादास्पद गतिविधि गरिरहेको भारतले ‘नक्कली’ लुम्बिनी बनाउँदा समेत नेपाल सरकार भने मौन छ । सामाजिक सञ्जालमा एउटा पुस्ता ‘बुद्ध नेपालमा जन्मेको हो’ भनेर दाबी गर्नुपर्ने बाध्यतामा छ । यद्धपी नेपाल सरकारले भने यसबारे खासै चासो देखाएको छैन ।

भारतले आफ्नो भूमिमा बनाएको संग्राहालयको नाम नै ‘कपिलवस्तु संग्राहालय’ राखेको छ । आफ्नो भूमिमा बुद्ध जन्मेको प्रमाणित गर्नको लागि भारतले धमाधम नक्कली लुम्बीनी बनाइ रहेको छ । भारतले संसारभरका पर्यटकलाई आफ्नो भूमिमा तान्ने उद्येश्यले नक्कली लुम्बिनी बनाइरहेको  हाे । त्यसो त भारतीय प्रधानमन्त्री नरेन्द्र मोदीले यूरोप भ्रमणको क्रममा समेत बुद्धको जन्म विहारमा भएको बताएका थिए ।
यसैबीच एउटा यस्तो भिडियो भेटिएको छ । जहाँ संयुक्त राष्ट्रसंघका महासचिव वान की मुनले बुद्ध र उनको जन्मस्थलबारे निकै महत्वपूर्ण अभिव्यक्ती दिएका छन् । उक्त भिडियो तत्कालीन अनमिनमा कार्यरत फोटो पत्रकार कुमार श्रेष्ठले खिचेका हुन् । गौतम बुद्धको जन्मस्थल लुम्बिनिमा लिएको भिडियोमा मुनले ‘आफूले गौतम बुद्धबारे पाएको शिक्षा अनुसार गौतम बुद्धको जन्म लुम्बिनीमा नै भएको’ बताएका छन् ।
पत्रकार सम्मेलनको क्रममा उनले गौतम बुद्ध र उनको जन्मस्थल बारे निकै महत्वपूर्ण अभिव्यक्ति दिएका छन् । ‘गौतमबुद्धको जन्मथलोको भ्रमण पछि म धेरै प्रभावित छु । मैले देखे अनुसार गौतम बुद्धको सामाजिक प्रभावबाट म निकै प्रभावित छु,’ सन् २००८ मा गौतम बुद्धको जन्मथलो लुम्बिनी भ्रमणको क्रममा मुनले भनेका छन्,‘हामीले बुद्धबाट धेरै सिक्नुपर्छ ।’

उनले एक मिनेट ४० सेकेन्डसम्म गौतमबुद्धबारे बोलेको भिडियो यस्तो छ