जन्मियो अनौठो बाच्छो : दुई मुख, दुई कान र चारवटा आँखा !

diyopost.com
दियो पोस्ट  मंगलबार, आषाढ ०१, २०७८ | १७:१०:२५

काठमाडौं, १ असार । संसारमा कहिलेकाही निकै अनौठा घटनाहरु हुन्छन् । छिमेकी मुलुक भारतको उत्तर प्रदेशस्थित चन्दौलीमा रहेको बरहुली गाउँमा एउटा गाईले निकै अनौठो बाच्छो जन्माएको छ ।

भारतीय सञ्चार माध्यम आजतकका अनुसार बरहुली गाउँमा दुईवटा मुख, दुईवटा कान तथा चारवटा आँखा भएको बाच्छो जन्मिएको छ ।

उक्त अनौठो बाच्छो हेर्नका लागि टाढा टाढाबाट मानिहरुको भीड लाग्ने गरेको छ ।

स्थानीय अरविन्द यादव नामका किसानले पालेको गाईले आइतबार उक्त बाच्छो जन्माएको हो ।

हालसम्म उक्त बाच्छो स्वस्थ रहेको र कुनै समस्या नदेखिएको बताइएको छ ।

स्थानीय पशु चिकित्सकहरुले गाईको गर्भमा भ्रुण विकसित हुने क्रममा भएको विकारका कारण यस्तो बाच्छो जन्मिएको बताएका छन् । एजेन्सी

सम्बन्धित खबर