काठमाडौँ । अर्थ मन्त्रालयले सरकारी निकायका सबै कारोवारमा बिद्युतीय भुक्तानी गर्न निर्देशन दिएको छ । मन्त्रालयले आफू मातहतका सबै निकाय तथा कार्यालयलाई परिपत्र गर्दै साउन १ गतेदेखि लागू हुने गरी कुनै पनि प्रकारको भुक्तानी विद्युतीय माध्यमबाट गर्न निर्देशन दिएको हो ।
अर्थमन्त्री विष्णु पौडेलले सरकारी निकायका सबै भुक्तानी बिद्युतीय भक्तानी गर्ने विषयमा गत शुक्रबार मन्त्रिस्तरीय निर्णय गरेका थिए । सो निर्णय बमोजिम सबै निकायमा परिपत्र गरिएको मन्त्रालयको परिपत्रमा उल्लेख छ ।
अहिले सरकारी निकायले गर्ने यस्ता भुक्तानीहरू चेक मार्फत गर्दै आएको थियो ।
